१६ चैत्र २०८०, शुक्रबार | March 29, 2024

ढोरपाटन बाढीपीडितलाई यथाशिघ्र पुनर्स्थापना गर्न सरकारलाई नेता दीनानाथ शर्माको आग्रह



काठमाडौं । राष्ट्रिय सभामा सत्तापक्ष दलका नेता दीनानाथ शर्माले ढोरपाटन बाढीपीडितलाई राहत उद्दार र पुनर्स्थापनाका लागि यथाशिघ्र पहल गर्न सरकारलाई आग्रह गरेका छन् ।

बागलुङ समाजले बिहीबार राति आयोजना गरेको भर्चुअल अन्तर्कियामा नेता शर्माले बाढीले बिध्वंश गरेकको स्थानको भौतिक संरचना निर्माणको काम राज्यले गर्नुपर्ने बताए ।

अहिले हाम्रा दाजुभाइ दिदीबहिनीहरू संकटमा परेको बताउँदै नेता शर्माले विदेशमा बस्ने बागलुङबासीले थालेको सहयोग पहलको स्वागत गरे । यस्तो सहयोगले पीडितलाई पुनर्स्थापना गर्न सहयोग पुग्ने विश्वास गरे ।

बागलुङबासी मानवीय सेवाभावले सहयोगका लागि जहिले पनि अग्रसर हुने गरेको स्मरण गर्दै शर्माले पीडितका लागि संकलन गरिएको राहत सहयोग पारदर्शी ढंगले पीडितसँग पुग्ने विश्वास व्यक्त गरे ।

नेता शर्माले हालसम्म वेपत्ता भएकाहरूको खोजिकार्य तिब्र बनाउन र उद्दार एवं  कुनै कमि नगर्न  सरकारसँग आग्रह गरे ।

हालैमात्र बाढी पहिरो स्थलको स्थलगत अवलोकन गरेका त्यसै क्षेत्र (बागलुङ क्षेत्र नं. २) का सांसद देवेन्द्र पौडेलले प्राकृतिक विपत्तिले ठूलो मानवीय र भौतिक क्षति भएको बताए । सांसद पौडेलले पीडितलाई तत्काल राहतका साथ पुनर्स्थापना गर्ने प्रतिवद्धता जनाए ।

नेपाली काँग्रसका युवा नेता किरण पौडेलले घटना लगत्तै आफुहरू उद्दार र राहतमा जुटेको बताए । सबै पीडितलाई समान ढंगले राहत वितरण र भोलिको दिनमा हुने पुनर्स्थापनामा गर्नुपर्ने पौडेलले जिकिर गरे ।

अन्तर्कियामा गैरआवासीय नेपाली संघका महासचिव डा. हेम राज शर्माले संघको तर्फबाट ५ लाख रूपैयाँ सहयोग दिने घोषणा गरे ।

महासचिव शर्माले पीडितहरूको सहयोगका लागि एनसीसीहरूलाई आग्रह समेत गरे ।

१५ देशमा रहेका ४० जना भन्दा बढी सहभागि अन्तर्कियामा सहभागिहरूले विपत्तिमा परेका जिल्लावासी जनतालाई सहयोग गर्न आतुर रहेको बताएका थिए ।  तर, संकलित रकम पारदर्शी ढंगले प्रयोग हुनुपर्ने उनीहरूले जिकिर गरे ।

प्रकाशित मिति : २५ भाद्र २०७७, बिहिबार  १० : १० बजे

कोहलपुर–सुर्खेत प्रसारण लाइनः रूख कटान प्रक्रिया सुरु

सुर्खेत । कर्णालीको विद्युतीकरणका लागि क्रान्ति ल्याउने उद्देश्यले निर्माण कार्य

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले