कावासोती । पूर्वी नवलपरासीको विनयी त्रिवेणी गाउँ पालिका कर्मचारीलाई कोरोना संक्रमण देखिएपछि ५ दिनको लागि गाउँपालिकाको सेवा बन्द गरिएको छ ।
१६ गते संकलित स्वावको आईतमार प्राप्त नतिजा अनुसार ३ जना कर्मचारीमा संक्रमण देखिएपछी गाउँ पालिकाको स्वास्थ्य र सरसफाई सेवा बाहेकका अन्य सम्पुर्ण सेवा बन्द गरिएको हो ।
प्रमुख प्रशासकीय अधिकृत ज्योति राज अर्यालको हस्ताक्षर गरिएको सुचनामा गाउँपालिकाको कार्यालयबाट प्रवाह गरिने दैनिक सेवा बन्द गरिएको स्पष्ट पारिएको छ ।
तर, वडा कार्यालयबाट हुने सेवा प्रवाह भने यथावत हुने जनाइएको छ ।
गाउँपालिकाद्वारा आइतबार प्रकाशित सुचना अनुसार असोज २३ शुक्रबारसम्म गाउँपालिका कार्यालयबाट दिईने सेवा बन्द गरिएको र कर्मचारीहरुलाई सुरक्षित रुपमा होम क्वारेन्टाईनमा बस्न अनुरोध गरिएको प्रमुख प्रशासकीय अधिकृत ज्योतीराज अर्यालले बताए ।
प्रतिक्रिया