नेपालगन्ज । बाँकेमा पछिल्लो २४ घण्टामा ५१ जना नयाँ कोरोना संक्रमित थपिएका छन् । बाँकेको भेरी अस्पताल पीसीआर प्रयोगशाला, नेपालगन्ज मेडिकल कलेज कोभिड प्रयोगशाला र बागेश्वरी ल्यावमा गरिएको पीसीआर परीक्षणबाट जिल्लामा १५ महिला ३६ पुरुषमा कोरोना संक्रमण पुष्टि भएको हो ।
स्वास्थ्य कार्यालय बाँकेले दिएको जानकारी अनुसार भेरी अस्पताल ल्यावबाट २७, मेडिकल कलेजको ल्यावबाट २० र बोगेश्वरी ल्यावबाट ४ जनामा संक्रमण पुष्टि भएको हो ।
आज थपिएसँगै बाँकेमा कुल संक्रमितको संख्या २२८९ पुगेको छ । बाँकेमा आज २९ जना डिस्चार्ज भएसँगै १७३८ जना कोरोना मुक्त भएर घर फर्केका छन् । बाँकेमा जिल्ला भित्रका २२ जना र जिल्ला बाहिरबाट उपचार गर्न बाँके आएका ११ जना कोरोना संक्रमितको मृत्यु भएको छ ।
प्रतिक्रिया