रुपन्देहीमा आज पनि थपिए १३७ नयाँ संक्रमित, बुटवलमा थपिए ६३ जना

बुटवल । रुपन्देहीमा आज पनि ३ अंकमै नयाँ कोरोना संक्रमित थपिएका छन् । स्वास्थ्य कार्यालयले दिएको जानकारी अनुसार सोमबार रुपन्देहीमा ५८ जना पुरुष र ७९ जना महिला गरि १३७ जनामामा कोरोना संक्रमण पुष्टि भएको हो ।

सोमबार पनि बुटवलले नै संक्रमित थप्ने अग्रता लिएको छ । बुटवलमा ६३ जना नयाँ संक्रमित थपिएकाछन् भने सिद्धार्थनगरमा २३ जना, तिलोत्तमामा १९ जना, कन्चनमा १८ जना, देवदहमा ७ जना कोरोना संक्रमित थपिएका छन् । त्यसैगरि सैनामैना र मायादेबीमा २।२ जना तथा ओमसतिया, मर्चवारी र सियारीमा १।१ जना कोरोना संक्रमित थपिएका छन् ।

रुपन्देहीमा सोमबार सम्ममा ५ हजार २ जनामा संक्रमण पुष्टि भएको छ । जिल्लामा ५१ जनाको मृत्यु भएको छ भने २०३९ जना कोरोना मुक्त हुने अवधि कुरेर आइसोलेसनमा बसेका छन् ।