बुटवल । रुपन्देहीमा हरेक दिन कोरोना संक्रमित थपिनेको संख्या उकालो लागेको छ । बुधबार पनि रुपन्देहीमा १८७ जना नयाँ कोरोना संक्रमित थपिएका छन् । स्वास्थ्य कार्यालय रुपन्देहीले दिएको जानकारी अनुसार बुधबार जिल्लामा ६८ महिला र ११९ पुरुषमा कोरोना संक्रमण पुष्टि भएको छ ।
बुधबार पनि बुटवल उपमहानगरमा सबैभन्दा बढी ७० जना नयाँ कोरोना संक्रमित थपिएका छन् । रुपन्देहीको तिलोत्तमामा ३८ जना, सिद्धार्थनगरमा २३ जना, सैनामैनामा १४ जना, देवदह र कोटहिमाईमा १२।१२ जना, ओमसतियामा ३ जना, रोहिणीमा २ जना तथा सुद्धोधन, सियारी र कन्चनमा १।१ जना कोरोना संक्रमित थपिएका छन् ।
आज थपिएसँगै रुपन्द्येहीका कुल संक्रमितको संख्या ५३४७ पुगेको छ । जिल्लामा ५९ जना कोरोना संक्रमितको मृत्यु भएको छ भने ३०१९ जना कोरोना मुक्त भएर घर फर्केका छन् । रुपन्देहीमा जिल्ला र जिल्ला बाहरिका समेत गरि २२६९ जना संक्रमितहरुले होम आइसोलेसन, कोरोना अस्पताल र स्थानीयतहले संयोजन गरेको बिभिन्न आइसोलेसनमा बसेर कोरोना मुक्तिको दिन पर्खिरहेक छन् ।
प्रतिक्रिया