नेपालगन्ज । बाँकेमा उपचारका लागि बर्दियाबाट ल्याईएका थप १ जना कोरोना संक्रमितको मृत्यु भएको छ । बर्दिया राजापुसर नगरपालिका ८ का ३२ वर्षीय पुरुषको उपचारका क्रममा भेरी अस्पताल नेपालगन्जमा मृत्यु भएको कोभिड संकट ब्यवस्थापन केन्द्र बाँकेले जनाएको छ ।
कार्तिक १३ गतेदेखि भेरी अस्पतालमा भर्ना रहेको उनको १४ गते कोरोना संक्रमण पुष्टि भएको थियो । अस्पतालले उनको उपचारका क्रममा रेडमिसिविर, प्लाज्मा थेरोपी लगायतको उपचारको पद्दती अपनाउँदा पनि उनको आज ११ बजे मृत्यु भएको ब्यवस्थापन केन्द्रका कोरोना फोकलपर्शन नरेश श्रेष्ठले जानकारी दिए ।
आज मृत्यु भएसँगै बाँकेमा उपचारका लागि अन्य जिल्लाबाट आएका मध्य ३२ जनाको मृत्यु भएको छ । पछिल्लो २४ घण्टामा मात्र बर्दियाबाट उपचारका लागि आएका ३ जनाको मृत्यु भएको छ ।
प्रतिक्रिया