बुटवल । रुपन्देही प्रहरीले धमाधम श्रोत नखुलेको रकम बरामद गर्न थालेको छ । श्रोत नखुलुको २४ लाख रकम सहित रुपन्देहीको सम्मरीमाईका प्रमोद गुप्तालाईपक्राउ गरेको पर्सीपल्ट श्रोत नखुलेको साढे १६ लाखसहित फेरि १ जना पक्राउ परेका छन् । जिल्ला प्रहरी कार्यालय रुपन्देहीले दिएको जानकारी अनुसार शनिबार दिउँसो सिद्धार्थनगर नगरपालिका–६ का २१ वर्षीय श्याम कुमार बनिया पक्राउ परेका हुन् ।
प्रहरीको नियमित चेकचाँजका क्रममा बनियालाई लु ३९ प ४४५७ नम्बरको स्कुरसहित एक हजार दरका १०३५ नोट तथा ५०० सयदरका १२३० नोट गरी जम्मा १६ लाख ५० हजार श्रोत नखुलेको रकम बरामद गरेको हो । भैरहवा बसपार्क नजिकै शान्तिनगर टोलबाट पक्राउ परेका बनियाले सो रकम बराबरको श्रोत खुलाउन नसेकेपछि प्रहरीले अनुसन्धनका लागि पक्राउ राजश्व अनुसन्धान कार्यालयमा चलान गरेको जनाएको छ । प्रहरीले श्याम कुमारबाट २ वटा आइएमी नम्बर, १ थान मोबाइल समेत बरामद गरेको छ ।
अस्ती १९ गते पनि प्रहरीले सोही स्थानबाट भारतको सुनौलीबाट भैरहवा तर्फ आउंदै गरेका प्रमोद गुप्तको साथबाट श्रोत नखुलेको २४ लाख बरामद गरि राजश्व कार्यालय चलान गरेको थियो ।
प्रतिक्रिया