ताप्लेजुङको दोभान बजारमा भीषण आगलागी, ४० घर जलेर नष्ट

ताप्लेजुङ । ताप्लेजुङको मेरिङ्देन गाउँपालिका वडा नं. ३ स्थित दोभान बजारमा भीषण आगलागी भएकोछ ।

जिल्लाकै दोस्रो ठूलो बजारमा आज बिहान ९ बजेतिरबाट सुरु भएको आगलागीले ४० भन्दा बढी घर जलेका छन् । दोभान बजारमा करिब एकसय वटा घरहरु रहेका छन् ।

आगो नियन्त्रणको प्रयास भैरहेको ताप्लेजुङका प्रहरी प्रमुख डिएसपी बालनरसिंह राणाले बताएका छन् । राणाले अहिले पनि आगो दन्किरहेको बताउँदै क्षतिको विवरण नआइसकेको जनाएका छन् ।

आगो निभाउन ठूलो संख्यामा सुरक्षार्मी र स्थानीय बासिन्दा लागि परेका छन् । ताप्लेजुङ नगरपालिकाको दमकल समेत प्रयोग गरिएको छ । दोभान बजार ताप्लेजुङ सदरमुकाम फुङलिङबाट डेढ घण्टा टाढा पर्छ ।