काठमाडौं । कोरोना संक्रमितहरुको संख्या दिनदिनै बढ्दै गएको छ । पछिल्लो २४ घण्टामा देशभर ५१७ जना नयाँ करोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ५१७ जनामा कोरोना संक्रमण पुष्टि भएको छ भने ५ जनाले ज्यान गुमाएका छन् ।
हिजो सोमबार मुलुकभर ५५९ जना कोरोना संक्रमित थपिएका थिए भने १३ जनाको मृत्यु भएको थियो ।
आजको तथ्याँकसँगै नेपालमा कोरोना संक्रमितको कुल संख्या २ लाख ८० हजार ९८४ पुगेको स्वास्थ्य तथा जनसंख्या मन्त्रालयले जनाएको छ । जसमध्ये निको हुनेको संख्या २ लाख ७४ हजार ३१८ पुगेको छ ।
मन्त्रालयका अनुसार हालसम्म मृतकको कुल संख्या ३ हजार ५८ पुगेको छ भने आइसोलेशनमा रहनेको संख्या ३ हजार ६०८ रहेको छ ।
आजपनि सबैभन्दा बढी काठमाडौ उपत्यकामा नै संक्रमित थपिएका छन् । पछिल्लो २४ घण्टामा काठमाडौंमा १६१ जनामा संक्रमण पुष्टि भएको छ भने ललितपुरमा २६ र भक्तपुरमा १२ जनामा संक्रमण पुष्टि भएको छ ।
प्रतिक्रिया