काठमाडौं । पछिल्लो २४ घण्टामा नेपालमा थप ८४३ जनामा कोरोना संक्रमण देखिएको छ ।
स्वास्थ्य तथा जनसंख्या मन्त्रालयले शनिबार अपरान्ह अपडेट गरेको तथ्यंक अनुसार देशभरका विभिन्न प्रयोगशालामा ५ हजार ३३३ पीसीआर परीक्षण गर्दा ७६८ जनामा संक्रमण पुष्टि भएको हो । यसैगरी ६७१ जनामा भएको एन्टिजेन परीक्षणमा थप ७५ जनालाई संक्रमण पुष्टि भएको छ ।
यस्तै २४ घण्टामा ५ जना संक्रमितको मृत्यु भएको छ भने २२६ जना संक्रमित निको भएको पनि मन्त्रालयले जनाएको छ ।
नेपालमा हालसम्म नेपालमा कोरोना संक्रमितको संख्या २ लाख ८३ हजार ६ सय ५८ पुगेको छ । निको हुनेको संख्या २ लाख ७५ हजार ३८ पुगेको छ ।
कोरोनाबाट हालसम्म ३ हजार ७५ जनाले ज्यान गुमाएका छन् । आजसम्म ५ हजार ५४५ जना सक्रिय संक्रमित रहेको मन्त्रालयले जनाएको छ । यस्तै ७४ जना क्वारेन्टाइनमा रहेका छन् ।
प्रतिक्रिया