काठमाडौँ । नेपालमा पछिल्लो २४ घण्टामा १७ सय ३६ जनामा कोरोना भाइरस संक्रमण पुष्टि भएको छ । २४ घण्टाकै बीचमा देशका बिभिन्न भागमा ११ जनाको मृत्यु भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार ८ हजार ५५ जनाको पीसीआर परीक्षण गर्दा १६६७ जना र ६८३ जनाको एन्टीजेन परीक्षण गर्दा ६९ जनामा कोरोना संक्रमण संक्रमण पुष्टि भएको हो । आज सम्ममा नेपालमा २ लाख ८७ हजार ५६७ जनामा संक्रमित पुगेका छन् ।
नेपालमा निको हुनेको कूल संख्या २ लाख ७५ हजार ८०६ जना रहेको छ । २४ घण्टाकै अवधिमा २५१ जना निको भएर घर फर्केका छन् ।
आज प्राप्त रिपोर्टमा ११ जना मृत्यु भएसँगै नेपालमा मृत्यु हुनेको कूल संख्या ३१ सय २ जना पुगेको मन्त्रालयले जनाएको छ ।
प्रतिक्रिया