रोकिएन रुपन्देहीमा संक्रमित थपिने क्रम, पछिल्लो २४ घण्टामा ३०१ जना कोरोना संक्रमित थपिए

बुटवल । रुपन्देहीमा दिनप्रतिदिन कोरोना संक्रमित थपिने क्रम बढ्दै गएको छ । पछिल्लो २४ घण्टामा रुपन्देहीमा ३०१ जना नयाँ कोरोना संक्रमित थपिएका छन् । स्वास्थ्य कार्यालय रुपन्देहीले दिएको जानकारी अनुसार रुपन्देहीमा १७१ जना पुरुष र १३० जना महिलामा कोरोना संक्रमण पुष्टि भएको हो ।

आज थपिएका संक्रमितमा सबैभन्दा बढी बुटवल उपमहानगरपालिकामा ११० जनामा संक्रमण पुष्टि भएको छ भने तिलोत्तमा नगरपालिकामा ६४ जना नयाँ कोरोना संक्रमित थपिएका छन् । त्यस्ेगरि सिद्धार्थनगरमा ४६ जना नयाँ संक्रमित थपिएका छन् भने रोहिणी गाँउपालिकामा २३ जना, ओमसतियामा २० जना नयाँ कोरोना संक्रमित थपिएका छन् । सैनामैनामा १० जना, देवदहमा ८ जना, सुद्धोधनमा ७ जना नयाँ संक्रमित थपिएको स्वास्थ्य कार्यालयले जनाएको छ ।

रुपन्देहीमा अहिले सम्ममा १६८ जनाको कोरोना संक्रमणका कारण मृत्यु भईसकेको छ भने १०८० जना संक्रमितहरुको जिल्लामा उपचार चलिरहेको छ ।