नेपालगन्ज । बाँकेमा पछिल्लो २४ घण्टामा ३४३ जना नयाँ कोरोना संक्रमित थपिएका छन् । बाँकेका ३ वटा ल्याव र जमुनाहा स्थित हेल्प डेस्कको एन्टिजेन परिक्षणको रिपोर्टबाट आज ३४३ जनामा कोरोना संक्रमण पुष्टि भएको हो ।
भेरी अस्पतालको पीसीआर ल्यावमा १९५ नमुना परिक्षण गर्दा १६२ नमुनामा कोरोना संक्रमण पुष्टि भएको छ भने नेपालगन्ज मेडिकल कलेजको ल्यावमा ९४ नमुनामा ६७ पोजेटिभ तथा बागेश्वरी डाइग्नोशिस केन्द्रमा १५२ नमुना परिक्षण गर्दा ११२ जनामा कोरोना संक्रमण पुष्टि भएको छ । उता जमुनाहा नाकामा भारतबाट फर्कँदै गरेका नेपालीहरुको एज्टिजेन परीक्षणमा १३ जनाको परीक्षण गर्दा २ जनामा संक्रमण पुष्टि भएको छ ।
बाँकेमा जिल्ल बाहिरबाट आएर उपचारका क्रममा मृत्यु भएकाहरु सहित अहिलेसम्ममा १९० जनाको मृत्यु भईसकेको छ । अहिले पनि बाँकेमा ९८ जना सिकिस्त संक्रमितहरुको बिभिन्न अस्पतालहरुमा उपचार भईरहेको छ । बाँकेका कोरोना फोकलपर्शन तेज ओलीका अनुसार भेरस् अस्पतालमा उपचाररत २०३ जना मध्य ६८ जना सिकिस्त अवस्थामा छन् भने नेपालगन्ज मडिकल कलेजमा २६ जना र कोहलपुर नगरपालिकाको कोभिड अस्पतालमा ४ जना संक्रमित सिकिस्त अवस्थामा छन् । बाँकेमा ११ जना संक्रमितलाई भेन्टिलेटरमा उपचार भईरहेको छ ।
प्रतिक्रिया