नेपालगन्ज । भेरी अस्पताल नेपालगन्ज्को पीसीआर प्रयोगशालामा ४७६ वटा नमुना परीक्षण गर्दा ३८३ जनामा कोरोना संक्रमण पुष्टि भएको छ । आईतबार संकलन भएको नमुनाको सोमबार बिहानदेखि लगातार ३० घण्टाको परीक्षण परीक्षण गरिएको थियो ।
सोमबार साँझ सार्वजानिक हुनुपर्ने रिपोर्ट अत्याधिक नमुना भएका कारण मंगलबार मात्र सार्वजानिक गरिएको भेरी अस्पतालले जनाएको छ । बैशाख यता २४ घण्टा संकलन गरिएको नमुनामा यती धेरै संक्रमित थपिएको पहिलो रेकर्ड हो । अहिले पनि अस्पतालमा पीसीआर गराउनेहरूको अत्याधिक चाप रहेको भेरी अस्पताल प्रयोगशालाका वरिष्ठ प्राविधिक प्रचण्ड गौतमले बताए ।
सोमबार भेरी अस्पतालको प्रयोगशाला बाहेक अन्य २ प्रयोगशाला र सिमा नाकाको एन्टिजेन परीक्षणबाट बाँकेमा २५६ जनामा कोरोना संक्रमण पुष्टि भएको थियो । भेरीको समेत जोड्दा सोमबार मात्र बाँकेमा ६३९ नयाँ कोरोना संक्रमित थपिएका छन् ।
प्रतिक्रिया