रुपन्देहीमा थपिए झण्डै साढे चार सय नयाँ संक्रमित

काठमाडौं । रुपन्देहीमा बिहीबार कोरोना भाइरसका झण्डै साढे चारसय संक्रमित थपिएका छन् ।

स्वास्थ्य कार्यालय रुपन्देहीको पछिल्लो तथ्यांकअनुसार सबैभन्दा धेरै बुटवल उपमहानगरपलिकामा थपिएका छन् । बुटवलमा ८७ महिला र १००पुरुष गरी १८७ जना जना संक्रमित थपिएका छन् ।

यसैगरी तिलोत्तामामा ४५ महिला र ५९ जना पुरुष संक्रमित थपिएका छन् भने सियारी गाउँपालिकामा ७ जना संक्रमित थपिएका छन् ।

यस्तै सैनामैना नगरपालिकामा १५ महिला र १३ पुरुष, देवदहमा १४ महिला र ११ पुरुष संक्रमित थपिएको स्वास्थ्य कार्यालय रुपन्देहीले जनाएको छ ।

यस्तै सिद्धार्थ नगर नगरपालिकामा २३ महिला र ३४ पुरुष, शुद्धदन गाउँपालिकामा ५ महिला र ४ पुरुष थपिएका छन् ।

यसैगरी गैडहवा गाउँपालिकामा ३ जना, मायादेवी गाउँपालिकामा ९ जना, मर्चवारी गाउँपालिकामा १ जना, ओमसतिया गाउँपालिकामा ८ जना, रोहिणी गाउँपालिकामा १ जना, लुम्बिनी सांस्कृतिक नगरपालिकामा २ जना र कोटहिमाई गाउँपालिकामा २ जना संक्रमित थपिएको स्वास्थ्य कार्यालय रुपन्देहीले जनाएको छ ।