३७ नाका मध्य २२ नाका बन्द गर्न सीसीएमसीको सिफारिस

काठमाडौं । केन्द्रीय कोभिड १९ संकट व्यवस्थापन समिति (सीसीएमसी) ले भारतसँग जोडिएका २२ वटा सिमानाका बन्द गर्न सिफारिस गरेको छ।

आज बसेको सीसीएमसीको बैठकले ३५ वटा नाकामध्ये २२ वटा नाकाहरु बन्द गर्न मन्त्रिपरिषदलाई सिफारिस गरेको उपप्रधानमन्त्री तथा सीसीएमसीका निर्देशक ईश्वर पोखरेलका प्रेस सल्लाहकार गणेश पाण्डेले जानकारी दिए ।

समितिले काँकडभिट्टा, जोगवनी, पशुपतिनगर, भिठ्ठामोड, गौर, वीरगन्ज, बेलहिया, कृष्णनगर, जमुनाहा, मुलघाट, झुलालघाट, गौरिफन्टा र गड्डाचौकी नाका सञ्चालन गरि अन्य सबै नाका बन्द गर्न सरकारलाई सिफारिस गरेको हो ।

आवतजावत गर्ने नाकाहरुमा पनि अनिवार्य होल्डिङ सेण्टर बनाउने गरि ब्यवस्था गर्न समितिले सिफारिसमा उल्लेख गरेको छ ।