रुपन्देहीमा ७१८ नमुना परीक्षण गर्दा ४४१ मा संक्रमण, ५ जनाको मृत्यु

बुटवल । रुपन्देहीमा ७१८ नमुना परीक्षण गर्दा ४४१ जनामा कोरोना संक्रमण पुष्टि भएको छ । स्वास्थ्य कार्यालय रुपन्देहीले दिएको जानकारी अनुसार पछिल्लो २४ घण्टामा ५ जना कोरोना संक्रमतिले ज्यान गुमाएका छन् ।

आज पनि जिल्लामा सबै पालिकाहरुलाई बुटवल उपमहानगरले उछिनेको छ । २४ घण्टामा बुटवलमा २०७ जना नयाँ संक्रमित थपिएका छन् । आज तिलोत्तमामा १०४ जना थपिएका छन् भने सिद्धार्थनगरमा ५८ जना, देवदहमा २३ जना, सैनामैनामा २० जना, सुद्धोधनमा ६ जना संक्रमित थपिएका छन् । त्यसैगरि सियारी, ओमसतिया र कञ्चनमा ५।५ जना थपिएका छन् भने लुम्बिनी साँस्कृतिक नगरमा ३ जना, रोहिणीमा २ जना र कोटहिमाईमा १ जना नयाँ संक्रमित थपिएका छन् ।

पछिल्लो २४ घण्टामा जिल्लामा ५ जनाको कोरोनाका कारण मृत्यु भएको छ । आज १४५ जना कोरोना मुक्त भएर घर फर्केका छन् भने अहिले पनि जिल्लामा ३६०३ जना सक्रिय संक्रमित छन् ।