काठमाडौं । कोरोना भाइरसको संक्रमणका कारण नेपालमा एकै दिनमा अहिलेसम्मकै सर्वाधिक धेरै व्यक्तिको मृत्यु भएको छ ।
स्वास्थ्य तथा जनसंख्या मन्त्रालयले अद्यावधिक गरेको पछिल्लो विवरणअनुसार पछिल्लो २४ घण्टामा ५५ जना व्यक्तिको मृत्यु भएको हो । यो कोरोना सुरुभए यताकै एकै दिनमा भएको सर्वाधिक धेरै मृत्यु हो ।
मन्त्रालयका अनुसार पछिल्लो २४ घण्टामा ७ हजार ६६० नयाँ संक्रमित थपिएका छन् । १६ हजार ७०२ जनामा परीक्षण गर्दा ७ हजार ६६० जनामा संक्रमण पुष्ति भएको मन्त्रालयले जनाएको छ ।
पछिल्लो २४ घण्टामा संक्रमणबाट निको हुनेको संख्या १७७५ रहेको छ ।
प्रतिक्रिया