नेपालगन्ज । बाँकेमा धेरै दिनपछि थपिने संक्रमित भन्दा डिस्चार्ज हुनेको संख्या धेरै देखिएको छ । जिल्लामा ३२३ जना नयाँ संक्रमित थपिँदा आज ४०९ जना कोरोना मुक्त भएका छन् । आज मात्र १७८ महिला र २३१ पुरुष कोरोना मुक्त भएर डिस्चार्ज गरिएको डीसीसीएमसी बाँकेले जनाएको छ ।
आज भेरी अस्पतालको पीसीआर प्रयोगशालामा ३०५ नमुना परीक्षण गर्दा २२२ जनामा संक्रमण पुष्टि भएको छ भने नेपालगन्ज मेडिकल कलेज ल्यावमा ७३ नमुना परीक्षण गर्दा ५९ जनामा कोरोना पुष्टि भएको छ । त्यस्तै बागेश्वरी डाइग्नोशिस सेण्टरमा २५१ नमुना परीक्षण गर्दा १६४ जनामा कोरोना संक्रमण देखिएको छ । कुल ४४५ जनामा संक्रमण पुष्टि भएकाेमा बाँकेकाे ३२३ र बाँकी अन्य जिल्लाका हुन् ।
बाँकेमा पछिल्लो २४ घण्टामा ९ जनाको मृत्यु भएको छ, जस्मा १ जना बाँके बाहिरको र ८ जना बाँकेका छन् । अहिले सम्ममा बाँकेका १७७ जनाले कोरोना संक्रमणका कारण ज्यान गुमाएका छन् भने १३१ जना बाँकेमा आएर उपचारका क्रममा मृत्यु भएको छ ।
प्रतिक्रिया