घट्यो रुपन्देहीको कोरोना संक्रमणको ग्राफ, ४९२ संक्रमित थपिँदा ३७४ कोरोना मुक्त

बुटवल । तुलनात्मकरुपमा आज रुपन्देहीमा कोरोना संक्रमित थपिने क्रम केहि घटेको छ । पछिल्लो २४ घण्टामा रुपन्देहीमा ४९२ जनामा कोरोना संक्रमण पुष्टि भएको स्वास्थ्य कार्यालय रुपन्देहीले जनाएको छ । जिल्लामा आज मृत्युदर पनि घटेको छ । सोही अवधीमा जिल्लामा ६ जनाको कोरोना संक्रमणबाट ज्यान गएको छ ।

आज थपिएका संक्रमितहरुमा बुटवल उपमहागरमा १९१ जना, तिलोत्तमामा १३५ जना, सिद्धार्थनगरमा ८० जना, देवदहमा २७ जना, सैनामैनामा २१ जना नयाँ संक्रमित थपिएका छन् । त्यसैगरि ओमसतियामा १६ जना, सियारीमा ५ जना, लुम्बिनी साँस्कृतिक नगरमा ४ जना, सुद्धोधन र रोहिणीमा ३।३ जना, मायादेबी, कञ्चान र कोटहिमाईमा २।२ जना तथा मर्चवारीमा १ जना संक्रमित थपिएको स्वास्थ्य कार्यालयले जनाएको छ ।

रुपन्देहीमा आज सम्ममा मृत्यु हुनेको संख्या २६८ पुगेको छ भने आज ३७४ जना कोरोना संक्रमणबाट मुक्त भएका छन् ।