नेपालगन्ज । बाँकेमा २ वटा पीसीआर परीक्षण प्रयोगशालाको रिपोर्ट आउँदा २६३ जना नयाँ कोरोना संक्रमति थपिएका छन् । प्रयोगशालामा ३७९ नमुना परीक्षण गर्दा २६३ जनामा कोरोना संक्रमण पुष्टि भएको हो । सबैभन्दा बढी पीसीआर परीक्षण हुने भेरी अस्पतालकाे रिपाेर्ट डीसीसीएमसी बाँकेले उपलब्ध गराएकाे छैन ।
आज प्राप्त रिपोर्ट अनुसार २६३ जना मध्य बाँकेका १६५ जनामा मात्र कोरोना संक्रमण पुष्टि भएको छ । आज बाँकेमा कोरोना मुक्त हुनेको संख्या उच्च भएपनि मृत्युदर भने बढेको छ । बाँकेमा आज ४१५ जना कोरोना मुक्त भएका छन् भने जिल्लामा बाँके जिल्ला बाहिरका समेत गरि १७ जनाको मृत्यु भएको छ । बाँकेका ९ जनाले कोरोना संक्रमणका कारण ज्यान गुमाएका छन् ।
बाँकेमा जिल्ला भित्रका मृत्यु हुनेको संख्या १८६ पुगेको छ भने जिल्ला बाहिरका मृतकको संख्या १३९ पुगेको छ । बाँकेमा अहिले सम्ममा १२९७३ जनामा कोरोना संक्रमण पुष्टि भएको छ भने ८७४७ जना कोरोना मुक्त भएका छन् ।
प्रतिक्रिया