रुपन्देहीमा थपिए ५५६ नयाँ कोरोना संक्रमित, २४ घण्टाकाबीचमा १४ जनाको मृत्यु

खबर कुरा
२८ बैशाख २०७८, मंगलवार
                 

बुटवल । रुपन्देहीमा पछिल्लो २४ घण्टामा ५५६ जनामा कोरोना संक्रमण पुष्टि भएको छ । जिल्लामा यसै अवधिमा १४ जनाको मृत्यु भएको छ भने ४५२ जना कोरोना मुक्त भएर डिस्चार्ज भएका छन् ।

स्वास्थ्य कार्यालय रुपन्देहीका अनुसार रुपन्देहीको बुटवल उपमहानगरमा १७० जनामा कोरोना संक्रमण पुष्टि भएको छ । त्यसैगरि सिद्धार्थ नगरमा १२० जना, तिलोत्तमामा ९९ जना, सियारीमा ४२ जना, ओमसतियामा २५ जनामा कोरोना संक्रमण पुष्टि भएको छ । त्यस्तै देवदहमा १९ जना, सैनामैनामा १६ जना, मायादेबीमा १५ जना, कञ्चनमा १० जना, रोहिणीमा ९ जना, सुद्धोधनमा ६ जना, लुम्बिनी साँस्कृतिक नगरमा ५ जना, कोटहीमाई र गैडहवामा ४।४ जना तथा मर्चवारीमा ३ जनामा कोरोना संक्रमण पुष्टि भएको छ ।

जिल्लामा अहिले सम्ममा मृत्यु हुनेको संख्या २९३ पुगेको छ । जिल्लामा होम आइसोलेशनमा ६१५० जना रहेका छन् भने ३८० जना लक्षण सहितका कोरोना संक्रमितको उपचार चलिरहेको छ ।

यसमा तपाइको मत

Your email address will not be published.


*