नेपालगन्ज । तुलनात्मकरुपमा आज बाँकेमा कोरोना संक्रमणको अनुपात घटेको छ । पछिल्लो २४ घण्टामा १००१ नमुना परीक्षण गर्दा ५६३ जनामा कोरोना संक्रमण पुष्टि भएको छ । आज बाँकेमा मृतकको संख्या भने बढेको छ । २४ घण्टाकैबीचमा जिल्लामा १६ जनाले ज्यान गुमाएका छन् । जसमध्य १० जना जिल्ला भित्रका छन् भने ६ जना जिल्ला बाहिरका हुन् ।
डीसीसीएमसी बाँकेका अनुसार भेरी अस्पतालको पीसीआर प्रयोगशालामा ४६४ नमुना परीक्षण गर्दा २३६ जनामा कोरोना संक्रमण पुष्टि भएको छ भने नेपालगन्ज मेडिकल कलेजको ल्यावमा २६६ नमुना परीक्षण गर्दा १६५ जनामा र बागेश्वरी डाइग्नोशिस केन्द्रमा २७१ नमुना परीक्षण गर्दा १६२ जनामा संक्रमण पुष्टि भएको छ । आज पुष्टि भएका संक्रमित मध्य बाँके जिल्ला भित्रका ३९८ जना हुन् भने बाँकी अन्य जिल्ला बाहिरका रहेका छन् ।
आज मृतक थपिएसँगै बाँकेका २०८ जनाले कोरोना संक्रमणबाट ज्यान गुमाएका छन् भने बाँकेमा उपचार गर्न आएका १५८ जनाको मृत्यु भएको छ । जिल्लामा आज ५९९ जना कोरोना मुक्त भएका छन् ।
प्रतिक्रिया