नेपालगन्ज । बाँकेमा पछिल्लो २४ घण्टामा ९०५ जना कोरोना संक्रमित थपिएका छन् । ३ वटा प्रयोगशालामा गरिएको १२७४ वटा नमुना परीक्षणमा ९०५ जनामा कोरोना संक्रमण पुष्टि भएको छ । ९०५ मध्उ बाँके जिल्लाका ५१५ जना छन् भने बाँकी अन्य जिल्लाका हुन् ।
डीसीसीसीएमसी बाँकेका अनुसार भेरी अस्पतालमा ९०१ नमुना परीक्षण गर्दा ६८८ जनामा कोरोना संक्रमण पुष्टि भएको छ भने नेपालगन्ज मेडिकल कलेजमा १७६ नमुना परीक्षण गर्दा १०१ जना र बागेश्वरी ल्यावमा १९७ नमुना परीक्षण गर्दा ११६ जनामा कोरोना संक्रमण पुष्टि भएको छ ।
बाँकेमा साही अवधीमा १५ जना अस्पतालहरुमा उपचाररत कोोना संक्रमितको मृत्यु भएको छ । मृत्यु हुनेमा बाँकेमा ८ जना छन् भने ७ जना अन्य जिल्लाका छन् । बाँकेमा आज ३२३ जना कोरोना मुक्त भएर डिस्चार्ज भएका छन् ।
बिगत केहिदिन देखि भेरी अस्पतालको प्रयोगशालामा पीसीआर परीक्षण गर्ने एक्सट्रेक्सन किट नहुँदा संक्रमणको दर घटेको देखिएपनि किट आएसँगै संक्रमितको संख्या बढेको हो ।
प्रतिक्रिया