नेपालगन्ज । बाँकेका ३ वटा पीसीआर परीक्षण प्रयोगशालामा १०१५ नमुना परीक्षण गर्दा ४४७ जनामा कोरोना संक्रमण पुष्टि भएको छ । संख्यात्मक अनुपातमा बाँकेमा केहि घटेको जस्तो देखिएपनि प्रतिशतको अनुपातमा अहिले पनि बाँकेमा संक्रमण हुने क्रम उच्च देखिएको छ । आज पनि कुन नमुना परीक्षण मध्य ४४ दशमलव ४ प्रतिशतलाई संक्रमण देखिएको छ ।
भेरी अस्पताल नेपालगन्जको पीसीआर प्रयोगशालामा ७३५ नमुना परीक्षण गर्दा ३२३ जनामा संक्रमण पुष्टि भएको छ भने बागेश्वरी डाइग्नोशिस केन्द्रमा २०० नमुना परीक्षण गदौ ९० जना तथा नेपालगन्ज मेडिकल कलेजको ल्यावमा ८० नमुना परीक्षण गर्दा ३४ जनामा कोरोना संक्रमण पुष्टि भएको छ । कुल संक्रमित मध्य बाँकेका २०६ जना र अन्य जिल्ला बाहिरका रहेको डीसीसीएमसी बाँकेले जनाएको छ ।
बाँकेमा पछिल्लो २४ घण्टाको अवधीमा ५ जना जिल्ला भित्रका र ६ जना जिल्ला बाहिरका गरि ११ जना कोरोना संक्रमितको मृत्यु भएको छ । सोही अवधीमा जिल्लामा २०३ जना कोरोना मुक्त भएर डिस्चार्ज लिएका छन् ।
प्रतिक्रिया