कोरोना संक्रमणबाट २४ घण्टामा २४६ जनाको मृत्यु, ८१७३ नयाँ संक्रमित थपिए

काठमाडौं । पछिल्लो २४ घण्टामा कोरोना संक्रमणबाट मृत्यु हुनेको संख्या फेरि ह्वात्तै बढेको छ ।

बुधबार अपरान्ह स्वास्थ्य मन्त्रालयले आयोजना गरेको पत्रकार सम्मेलनमा २४६ जना संक्रमितको मृत्यु भएको जानकारी दिइएको छ ।

यस्तै पछिल्लो २४ घण्टामा नेपालमा थप ८ हजार १७३ जनामा कोरोनाको संक्रमण पुष्टि भएको मन्त्रालयका प्रवक्ता डा. जागेश्वर गौतमले जानकारी दिए ।

यसअवधिमा ७ हजार ९८९ जना संक्रमण मुक्र भएका छन् ।