बुटवल । रुपन्देहीमा ११५५ नमुनाको पीसीआर परीक्षण गर्दा ३०८ जनामा कोरोना संक्रमिण पुष्टि भएको छ । यसअघि सरदर ४० प्रतिशत माथिको अनुपातमा संक्रमण पुष्टि हुने गरेकोमा यस हप्तादेखि रुपन्देहीमा संक्रमण फैलिने अनुपात घटेको छ । २४ घण्टाको अवधीमा जिल्लामा १ जनाको मात्र मृत्यु भएको छ भने ४८३ जना कोरोना मुक्त भएर डिस्चार्ज भएका छन् ।
स्वास्थ्य कार्यालय रुपन्देहीका अनुसार बुटवल उपमहानगरमा ८८ जना, ओमसतियामा ३९ जना, सिद्धार्थनगर र देवदहमा ३७।३७ जना, तिलोत्तमामा ३५ जना, सैनामैनामा २१ जना, सियारीमा १४ जना र रोहिणीमा १३ जना नयाँ संक्रमित थपिएका छन् ।
जिल्लामा आज सम्ममा ३९८ जनाको कारोना संक्रमणबाट ज्यान गएको छ भने अहिले पनि जिल्लामा ३८११ जना सक्रिय संक्रमित रहेको छन् ।
प्रतिक्रिया