बाँकेमा १० घण्टाका बीचमा ७ जना संक्रमितको मृत्यु

खबर कुरा
१३ जेष्ठ २०७८, बिहीबार
                 

नेपालगन्ज । बाँकेमा राती १० घण्टाका बीचमा जिल्लामा उपचाररत ७ जना कोरोना संक्रमितको मृत्यु भएको छ । मृतक मध्य ३ जनाको नेपालगन्ज मेडिकल कलेज कोहलपुर र ४ जनाको भेरी अस्पताल नेपालगन्जमा मृत्यु भएको हो ।

डीसीएमसी बाँकेका अनुसार मृत्यु हुनेमा बाँकेका २ जना र ५ जना जिल्ला बाहिरका छन् । मेडिकल कलेजमा मृत्यु हुनेहरुमा जेठ ३ गते भर्ना भएका नेपालगन्ज २० का ५७ वर्षिय पुरुष, बैशाख १८ गते भर्ना भएका पुनर्वास ६ कञ्चनपुरकी ४७ वर्षिया महिला र जेठ ११ गते भर्ना भएकी घोराही ३ दाङकी ५६ वर्षिया महिला रहेका छन् ।

त्यसैगरि जेठ ३ गते भेरी अस्पताल भर्ना भएकी जानकी ९ कैलालीकी ७४ वर्षिया महिला, जेठ ११ मा भर्ना भएकी बाँसगढी ५ बर्दियाकी ७५ वर्षिया महिला, जेठ ६ गते भर्ना कएकी नेपालगन्ज २० की ५५ वर्षिया महिला र जेठ १२ गते भर्ना भएका गुलरिया ५ बर्दियाका ८० वर्षिय पुरुषको भेरी अस्पतालमा मृत्यु भएको डीसीएमसी बाँकेका कोरोना फोकलपर्शन तेज ओलीले जानकारी दिए ,

बाँकेमा आज बिहान सम्ममा जिल्ला भित्रका २८४ जना र जिल्ला बाहिरका २६४ जना कोरोना संक्रमितको उपचारका क्रममा मृत्यु भएको छ ।

यसमा तपाइको मत

Your email address will not be published. Required fields are marked *


*