काठमाडौं । काठमाडौं उपत्यकामा जेठ ३१ गतेसम्म निषेधाज्ञा थपिएको छ ।
उपत्यकाका तीन जिल्लाका प्रमुख जिल्ला अधिकारीको आज बुधबार बसेको बैठकले निषेधाज्ञा थप एकसाता लम्ब्याउने निर्णय गरेको हो ।
काठमाडौं, भक्तपुर र ललितपुरका प्रमुख जिल्ला अधिकारीको बुधबार बसेको बैठकले हाल जारी निषेधाज्ञामा केही छुट दिने निर्णय गरेको छ ।
त्यसबीचमा किराना पसल, डिपार्टमेन्टरस्टोरका खाद्यान्न युनिट र पुस्तक तथा स्टेशनरी पसल निश्चित समय खोल्न दिने निर्णय भएको छ । जेठ १४ गतेदेखि जारी हालको निषेधाज्ञामा तरकारी, फलफूल, दुध र मासु पसलमात्र बिहान ९ बजेसम्म खोल्न दिएको छ । बाँकी सबै पसलहरु बन्द गरिएको छ ।
यसैगरी विकास निर्माणको कामका लागि रातिमा मात्रै निर्माण सामग्री ओसार्न दिइने भएको छ भने दिउँसो मजुदरले काम गर्न पाउनेछन् ।
यातायात संचालनको अन्य नियम भने यथावत राखिएको छ ।
हाल जारी निषेधाज्ञा बिहीबार रातिदेखि सकिँदैछ ।
प्रतिक्रिया