रुपन्देहीमा थपिए ७८ नयाँ संक्रमित, २३२ जना डिस्चार्ज हुँदा १ जनाको मृत्यु

खबर कुरा
२२ जेष्ठ २०७८, शनिबार

बुटवल । रुपन्देहीमा पछिल्लो २४ घण्टामा ७८ जना नयाँ कोरोना संक्रमित थपिएका छन् । जिल्लाका ४ वटा प्रयोगशालामा गरिएको २४८ नमुना परीक्षणमा ७८ जनामा कोरोना संक्रमण पुष्टि भएको हो । शुक्रबार ११ प्रतिशतमा झरेको संक्रमणको अनुपात आज बढेर ३० प्रतिशतमा पुगेको छ । सोही अवधीमा जिल्लामा १ जनाको मृत्यु भएको छ भने २३२ जना संक्रमण मुक्त भएर डिस्चार्ज लिएका छन् ।

स्वास्थ्य कार्यालय रुपन्देहीका अनुसार तिलोत्तमा नगरपालिकामा १९ जना, बुटवल उपमहानगरमा १४ जना, सम्मरीमाई गाँउपालिकामा ८ जना, सैनामैना नगरमा ७ जना, सिद्धार्थनगर तथा देवदह र कञ्चनमा ६।६ जना संक्रमित थपिएका छन् । त्यसैगरि ओमसतिया ४ जना, सियारी ३ जना, मायादेबी २ जना र मर्चवारी, सुद्धोधन र लुम्बिनी साँस्कृतिक नगरमा १।१ जना संक्रमित थपिएका छन् ।

रुपन्देहीमा आज पनि १४१७ जना सक्रिय संक्रमितले कोरोनाबाट मुक्तिको प्रतिक्षा गरिरहेका छन् ।

यसमा तपाइको मत

Your email address will not be published. Required fields are marked *


*