नेपालगञ्ज । बाँके प्रहरीले १२ ग्राम भन्दा बढी प्रतिबन्धित लागु औषध ब्राउन सुगर सहित ४ जनालाई पक्राउ गरेको छ । जिल्ला प्रहरी कार्यालय बाँकेले नेपालगञ्ज–२ न्युरोडबाट ३ जना महिला र १ जना पुरुषलाई ब्राउन सुगर सहित पक्राउ गरेको हो ।
प्रहरीले पक्राउ गरेकाहरुमा खजुरा गाउँपालिका वडानं ८ की ३३ वर्षिया बिबा शाही, खजुरा ४ की ३० वर्षिया गंगा खड्का, नेपालगञ्ज–९ का ३५ वर्षिय राजेश खटिक र बर्दियाको राजापुर नगरपालिका ४ की २१ वर्षिया पुजा परियार रहेका छन् ।
जिल्ला प्रहरी कार्यालय बाँके तथा लागुऔषध नियन्त्रण ब्युरो नेपालगञ्ज शाखाबाट खटिएको संयुक्त प्रहरी टोलीले प्लाष्टिकले सानो पुडिया बनाई राखेको ५६ पुडिया (१२ ग्राम २ सय मिलिग्राम) ब्राउन सुगर र नगद ४१ हजार ५ सय नगदसहित उनीहरुलाई पक्राउ गरेको बाँके प्रहरी प्रवक्ता डीएसपी सुभास खड्काले बताए ।
उनीहरुलाई जिल्ला अदालत बाँकेबाट म्याद थप गरी आवश्यक अनुसन्धान अघि बढाईएको प्रहरीले जनाएको छ ।
प्रतिक्रिया