काठमाडौं । काठमाडौं उपत्यकामा जोर विजोर प्रणाली हटेको छ । अब सबै सार्वजनिक सवारी साधनहरु हरेक दिन निर्वाध चल्न पाउने भएका छन् ।
काठमाडौं उपत्यकका तीन जिल्लाका प्रमुख जिल्ला अधिकारीहरुको आइतबार बसेको बैठकले असार २२ गते मंगलबारदेखि सबै सार्वजनिक र निजी सवारी साधानम लगाईंदै आएको जोर विजोर प्रणाली हटाउने निर्णय गरेको हो ।
यसरी सवारी साधान संचालन गर्दा स्वास्थ्य सुरक्षाका मापदण्ड पूरा गरेर सञ्चालन गर्न पाइने भएको छ । यससँगै अब काठमाडौं उपत्यकामा माइक्रोबस, टेम्पु लगायतका सबै सवारी साधन समेत चल्न पाउनेछन् । यातायात व्यवसायीले २५ सिट क्षमताभन्दा बढीका गाडी मात्र चलाउन पाउने यसअघिको निर्णय खारेज नभएर २२ गतेदेखि आफै सबै गाडी संचालन गर्ने चेतावनी दिएका थिए । तर, लामो दूरीका सवारी साधन भने संचालन हुन पाउनेछैनन् ।
सीडिओ बैठकले २५ जनासम्म उपस्थित हुने गरी भौतिक रुपमा परीक्षा संचालन गर्न शैक्षिक संस्थाहरुलाई अनुमति दिएको छ । तर स्कुल, कलेज, ट्युसन सेन्टर लगायत भने अझै पनि बन्द नै हुनेछन् ।
प्रतिक्रिया