२४ घण्टामा २२३९ कोरोना संक्रमित थपिए, १३१६ संक्रमणमुक्त, २० जनाको मृत्यु

काठमाडौं । पछिल्लो २४ घण्टामा नेपालमा थप २ हजार २३९ जनामा कोरोना संक्रमण पुष्टि भएको छ ।

स्वास्थ्य मन्त्रालयका अनुसार ११ हजार ३१३ जनाको परीक्षण गर्दा २ हजार २३९ जनामा संक्रमण पुष्टि भएको हो । जसमध्ये पीसीआर विधिबाट १ हजार ४७९ जनामा संक्रमण देखिएको छ भने एन्टिजेन विधिबाट परीक्षण गर्दा ७६० जनामा संक्रमण पुष्टि भएको छ ।

२४ घण्टाकै अवधिमा १ हजार ३१६ जना संक्रमणमुक्त भएका छन् । नेपालमा निको हुने दर ९४।५ प्रतिशत रहेको स्वास्थ्य मन्त्रालयले जनाएको छ । नेपालमा हालसम्म ६ लाख १६ हजार ९२९ जना संक्रमणमुक्त भइसकेको तथ्यांक मन्त्रालयले सार्वजनिक गरेको छ ।

कोरोना संक्रमणबाट २४ घण्टाभित्र २० जनाको मृत्यु भएको छ । हालसम्म नेपालमा ९ हजार ३४० जनाले ज्यान गुमाइसकेका छन् ।

२३ हजार ९२० जना होम आइसोलेसनमा र २ हजार ६ ७० जना संस्थागत आइसोलेसनमा रहेका छन । यस्तै ५३९ जना आईसीयूमा र १६६ जना भेन्टिलेटरमा रहेको मन्त्रालयले जनाएको छ ।