कोरोना अपडेट : १८०१ जनामा संक्रमण, १६६७ संक्रमणमुक्त, २३ जनाको मृत्यु

काठमाडौं । पछिल्लो २४ घण्टामा नेपालमा थप १ हजार ८०१ जनामा कोरोनाभाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयले आइतबार सार्वजनिक गरेको अपडेट अनुसार ९ हजार ६२८ जनाको परीक्षण गर्दा १ हजार ८०१ जनामा संक्रमण पुष्टि भएको हो । जसमध्ये पीसीआर विधिबाट १ हजार २२३ जना र एन्टिजेन विधिबाट ५७८ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा १ हजार ६६७ जना संक्रमणमुक्त भएका छन् । कोरोनाबाट संक्रमणमुक्त हुने दर ९४.७ प्रतिशत रहेको मन्त्रालयले जनाएको छ । यसै अवधिमा २३ जनाको मृत्यु भएको छ ।