काठमाडौं । पछिल्लो २४ घण्टामा देशभर कोरोना भाइरसका ३ हजार ८४० जना संक्रमित थपिएका छन् ।
१० हजार ८८६ पीसीआर परीक्षण गर्दा २ हजार ६३४ जना संक्रमित थपिएको स्वास्थ्य तथा जनसंख्या मन्त्रालयले जनाएको छ । यसैगर ४ हजार ९२२ एन्टिजेन परीक्षणमा १ हजार २०६ जना थपिएका छन् ।
कुल संक्रमितमध्ये काठमाडौं उपत्यकामा मात्रै ८५९ जनामा कोरोना संक्रमण देखिएको छ । यसभित्र पनि काठमाडौंमा ५५९, ललितपुरमा २०६ र भक्तपुरमा ९४ जना संक्रमित भेटिएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा १ हजार ९९३ जना संक्रमणमुक्त भएका छन् । संक्रमितको संख्या दिनदिनै बढ्दै जाँदा सक्रिय संक्रमितको संख्या पनि ह्वात्तै बढेको छ । हाल देशभर सक्रिय संक्रमितको संख्या २९ हजार ४४४ जना रहेको स्वास्थ्य मन्त्रालयले जनाएको छ ।
पछिल्लो २४ घण्टामा ३३ जना संक्रमितको मृत्यु भएको छ ।
प्रतिक्रिया