काठमाडौं । पछिल्लो २४ घण्टामा नेपालमा थप ३२६० जनामा कोरोना संक्रमण पुष्टि भएको छ । सोही अवधिमा ३२ जनाले ज्यान गुमाएको र २२९४ जना संक्रमणमुक्त भएको स्वास्थ्य मन्त्रालयले जानकारी दिएको छ ।
आज थपिएसँगै नेपालमा कोरोना संक्रमितको कुल संख्या पीसीआर विधिबाट ७ लाख २५ हजार ७६९ जना पुगेको छ भने एन्टिजेन विधिबाट ७२ हजार ८८२ जना पुगेको छ । संक्रमितमध्ये ६ लाख ७७ हजार ३७७ संक्रमणमुक्त भएका छन् । आज सम्ममा नेपालमा कोरोना संक्रमणका कारण १० हजार २१२ जनाको मृत्यु भएको छ ।
देशभर सक्रिय संक्रमितको संख्या ३८ हजार १८० रहेको छ ।
प्रतिक्रिया