नेपालमा २२४८ जना संक्रमण मुक्त हुँदा १९२० जना कोरोना संक्रमित थपिए

काठमाडौं । पछिल्लो २४ घण्टामा नेपालमा २२४८ जना संक्रमणमुक्त हुँदा १९२० जनामा कोरोनाभाइरस संक्रमण पुष्टि भएको छ । यसअघि शनिबार २३८२ जना संक्रमणमुक्त हुँदा २०७५ जनामा कोरोना संक्रमण पुष्टि भएको थियो । लामो समय पछि नेपालमा संक्रमित थपिने संख्या भन्दा निको हुने संख्या धेरै देखिएको हो ।

देशभर पछिल्लो २४ घण्टामा १२ हजार ५१६ जनामा कोरोना परीक्षण भएकोमा १९२० जनामा संक्रमण पुष्टि भएको स्वास्थ्य मन्त्रालयले जनाएको छ । सोही अवधिमा २४ जनाले ज्यान गुमाएका छन्
यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ४७ हजार ४३३ पुगेको छ भने एन्टिजेन विधिबाट गरिएको परीक्षणमा ८० हजार २०९ पुगेको छ ।

संक्रमितमध्ये हालसम्म कोरोना निको हुनेको संख्या ६ लाख ९८ हजार १७३ पुगेको छ भने मृतकको संख्या १० हजार ५०९ पुगेको छ ।