९८७५ जनाको परीक्षण गर्दा १२६८ मा कोराना संक्रमण पुष्टि, २१९५ संक्रमणमुक्त

काठमाडौं । शनिबार कोरोना भाइरसका १२सय ६८ नयाँ संक्रमित थपिएका छन् ।

जम्मा ९ हजार ८७५ जनमा गरिएको परीक्षणअनुसार १२सय ६८ संक्रमित थपिएको स्वास्थ्य तथा जनसंख्या मन्त्रालयले जनाएको छ । यसमध्ये पीसीआर विधिबाट गरिएको परीक्षणमा १ हजार २४ जना संक्रमित देखिएका छन् । परीक्षण कम हुँदा संक्रमितको संख्या पनि कम देखिएको छ ।

पछिल्लो २४ घण्टामा २१९५ जना संक्रमित संक्रमणमुक्त भएका छन् । यसैअवधिमा ९ जनाको मृत्यु भएको छ ।
आज देशभर ३१ हजार ८२६ जना सक्रिय संक्रमित रहेको मन्त्रालयले जनाएको छ ।