थप ११४६ जनामा कोरोना संक्रमण पुष्टि, १६६० संक्रमणमुक्त, २१को मृत्यु

काठमाडौं । पछिल्लो २४ घण्टामा देशभर थप १ हजार १४६ जनालाई कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ८ हजार ५४९ नमुनाको पीसीआर परीक्षणमा ९६१ जनामा कोरोना संक्रमण देखिएको छ । यस्तै २ हजार ३६७ नमुनाको एन्टिजेन परीक्षण गर्दा १८५ जनामा संक्रमण पुष्टि भएको छ ।

पछिल्लो २४ घण्टामा १ हजार ६६० जना संक्रमणमुक्त भएका छन् । यसै अवधिमा कोरोना संक्रमणबाट २१ जनाको मृत्यु भएको छ ।