काठमाडौं । आफु विरुद्ध केन्द्रित भई प्रमुख प्रतिपक्षी दल नेकपा एमालेले निरन्तर संसद अवरुद्ध गरिरहेपछि सभामुख अग्निप्रसाद सापकोटाले सर्वदलीय बैठक आह्वान गरेका छन् ।
सभामुख सापकोटाले सोमबार दिउँसो साढे २ बजे बस्ने गरी सर्वदलीय बैठक बोलाएका हुन् । सापकोटाले सहमतिको प्रयासस्वरुप बैठक बोलाएको गृहमन्त्री बालकृष्ण खाँणले जानकारी दिएका छन्। सरकार प्रतिपक्षी दलसँग वार्ता र छलफलबाट समस्याको निकास खोज्न तयार रहेको गृहमन्त्री खाँणले प्रतिक्रिया दिएका छन् ।
एमालेले आफुले कारवाही गरेका १४ जना सांसदलाई सभामुखले पदमुक्त नगरेर एमाले फुटाउन मतियार बनेको आरोप लगाउँदै आएको छ । जसका कारण संसद अधिवेशन सुरु भएको दिनदेखि आजसम्म एमालेले लगातार तीन दिन संसद अवरुद्ध गरेको छ ।
एमालेले आज पनि बैठक अवरुद्ध गरेपछि प्रतिनिधिसभाको बैठक मंगलबारसम्म स्थगित गरिएको छ ।
प्रतिक्रिया