प्रतिक्रियावादीको सेवा गर्दै देउवा नेतृत्वको सरकार बनाउने माधव नेपाल कामरेड हुनै सक्दैनन् : एमाले अध्यक्ष ओली

खबर कुरा
३० भाद्र २०७८, बुधबार
                 

बुटवल । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले एमालेमा जति आन्तरिक जनवाद अरुकसैमा नभएको दाबी गरेका छन् । उनले आन्तरिक जनबादको माध्यमबाट पार्टी अझै मजबुत बनाईएको बताए ।

एमाले रुपन्देहीले आज बुटवलमा आयोजना गरेको अगुवा कार्यकर्ता भेलालाइ सम्बोधन गर्दै अध्यक्ष ओलीले आफू नेतृत्व तत्कालिन सरकारले गरेको कामबाट प्रतिपक्ष आत्तिएको बताए । सरकारले विकासका लागि सयौं सडक,अस्पताल जस्ता पूर्वाधार निर्माणमा अगाडि बढेको देखेर प्रतिक्रियाबादीहरुले सरकार ढालेको आरोप लगाए ।

विकास निर्माणका काममा गति लिएको सरकारका विरुद्ध संगठित भएर प्रतिपक्षले विकासमा अवरोध पुर्याएर अन्ततः एमालेको सरकारलाई विकास गर्नबाट बञ्चित गरेको बताए ।

उनले भने ‘ हामीले शिक्षा,स्वास्थ्य,पूर्वाधार निर्माण र सामाजिक उत्थानमा खेलेको भूमिका देखेर हामीलाई रोक्ने प्रयास गरियो । हाम्रो सरकार तिव्र विकासको गतिमा अगाडि बढेको थियो । तर, अहिले हेर्नुस त २ महिना भयो मन्त्रीपरिषद् विस्तार हुन सकेको छैन ।’

एमालेलाई छेक्छु भनेर एमालेलाई रोक्छु भनेर एमालेलाई तोड्छु भन्छ भने त्योशक्ति आफै बिलाएर जाने ओलीको दाबी गरे । माधव नेपालले पार्टीमाथि बञ्चरो प्रहार गरिरहेको उल्लेख गर्दै माधव नेपाललाई कमरेड भन्न नसकिने स्पष्ट पारे । प्रतिक्रियाबादीको सेवा गर्दै देउवा नेतृत्वको सरकार बनाउने माधव नेपाल कामरेड हुनै नसक्ने ओलीको भनाई छ ।

वर्तमान सत्तारुढदलका नेताहरुको बुद्धीको बिर्को बन्द भएको बताउँदै अर्थमन्त्रीले संसदबाट बजेट पारित गर्नुपर्ने समयसीमाका बारेमा समेत थाहा नपाएको टिप्पणी गरे । मध्यरातबाट सरकारले एकरुपैयाँपनि खर्च गर्न नपाउने उल्लेख गर्दै अध्यक्ष ओलीले संसदमा बलमिचाई गरेपनि नियम र बिधि बुझ्न नसकेको बताए ।

एमालेका कार्यकर्ता दुःखी हुने होईन खुसी हुने बेला भएको बताउँदै ओलीले पिलो निचोरिएर गएका बेला सबै कार्यकर्ताहरुलाई उत्सव मनाउन आग्रह गरे । कार्यक्रममा नाच्ने कलाकारहरुलाई हौसाउँदै ओलीले भने , -‘जीवन शर्माको गीतले भने झैं, पिलो निचोरिएर गएको हो, नाच्नुहोस्, खुसी मनाउनु होस्, उत्सव मनाउनु होस् ।’

यसमा तपाइको मत

Your email address will not be published. Required fields are marked *


*