काठमाडौं । पछिल्लो २४ घन्टामा नेपालमा १४७६ जना कोरोना संक्रमित थपिएका छन ।
१०,५७५ जनामा गरिएको पिसिआर परीक्षणबाट ११०३ र ५११५ जनामा गरिएको एन्टिजेन परीक्षणबाट ३७३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
अहिलेसम्म देशभरिमा पिसिआर परीक्षणबाट ७,८९,८७२ जनामा र एन्टिजेन परीक्षणबाट ९०,२८० जनामा कोरोना संक्रमण पुष्टि भइसकेको छ ।
मन्त्रालयका अनुसार सोही अवधिमा १५५० जना कोरोना संक्रमणबाट मुक्त भएका छन । योसहित अहिलेसम्म निको हुनेको संख्या ७,५८,५०४ पुगेको छ।
पछिल्लो २४ घन्टामा कोरोना संक्रमणबाट ९ जनाको मृत्यु भएको छ । थपिएका सहित अहिलेसम्म मृत्यु हुनेको संख्या ११,०८१ पुगेको छ ।
अहिले देशभरिमा २०,२८७ जना सक्रिय संक्रमित रहेको मन्त्रालयले जनाएको छ ।
प्रतिक्रिया