काठमाडौँ । नेकपा एमालेका अध्यक्ष केपी शर्मा ओलीले वर्तमान सरकार लेनदेनका आधारमा बनेको आरोप लगाएका छन् ।
दश्रं मनाउन गृह जिल्ला झापा पुगेर चियापान कार्यक्रम गरेका ओलीले आमन्त्रितहरुलाई सम्बोधन गर्दै गजेन्द्र हमालको नियुक्तिले सरकार कसरी बनेको रहेछ भनेर प्रष्ट पारेको बताए ।
“यो सरकार वार्टर सिस्टमबाट बनेको रहेछ भन्ने प्रष्ट भयो ।’ उनले भने,- ‘पैसाको कारोबार भयो भएन थाहा छैन, वार्टर सिस्टमचाहिँ यसपटक देखियो ।’
ओलीले धर्तीमै पहिलोपटक परमादेशबाट सरकार बनेको भन्दै दसैँले यस्ता काम नगर्न सबैलाई सुमति दिने कामना गरे । आफ्नो भाषणको सुरूआतमा उनले आज दसैँको शुभकामनामात्रै दिने र कसैलाई कटाक्ष नगर्ने बताएका थिए ।
शेरबहादुर देउवाले सांसद नरहेका बाँकेका काँग्रेस कार्यकर्ता गजेन्द्र हमाललाई उद्योगमन्त्रीमा प्रधानन्यायाधीश चोलेन्द्र शमशेर राणाको कोटाबाट नियुक्त गरेको भन्दै चौतर्फी आलोचना भएपछि हमालले राजीनामा दिएका थिए ।
भद्रपुर विमानस्थलमा ओर्लदा उनलाई स्वागत गर्न प्रदेश नम्बर १ का मुख्यमन्त्री भीम आचार्यसहितको टोली विमानस्थल पुगेको थियो ।
प्रतिक्रिया