मोतिपुर घटनामा मृत्यु भएका मृतक परिवारलाई संघीय सरकारबाट ५ लाख ५० हजार राहत दिने घाेषणा

खबर कुरा
२३ कार्तिक २०७८, मंगलवार
                 

काठमाडौं । सरकारले बुटवलको मोतिपुर औद्योगिक क्षेत्रमा भएको घटनामा मृत्यु भएका मृतकका परिवारलाई ५ लाख ५० हजार राहत उपलब्ध गराउने भएको छ । सोमबार बसेको मन्त्रिपरिषद् बैठकले मोतिपुर घटनाका मृतकका परिवारलाई ५ लाख ५० हजार राहत दिने निर्णय गरेको हो ।

गृह मन्त्रालयका अनुसार र्बठकले पाँच लाख रुपैयाँ आर्थिक सहयोग र पचास हजार किरिया खर्च दिने निर्णय भएको हो । २४ असोजमा औद्योगिक क्षेत्रका लागि अधिकरण गरिएको जग्गा कब्जा गर्ने समुह र प्रहरीबीच भएको झडपमा ४ जनाको ज्यान गएको थियो ।

सुरक्षाकर्मीको गोली लागेर चार जनाको मृत्यु भएको थियो भने दुई दर्जन बढी घाइते भएका थिए । झडपमा सशस्त्र प्रहरी र नेपाल प्रहरी तर्फ पनि १२ जना भन्दा बढी गम्भिर घाईते भएका थिए ।

यसअघि प्रदेश सरकारले मोतिपुर घटनामा मृतकका परिवारलाई जनही एक लाख रुपैयाँ सहयोग उपलब्ध गराउने निर्णय गरेको थियो ।

यसमा तपाइको मत

Your email address will not be published. Required fields are marked *


*