१४ फाल्गुन २०८०, सोमबार | February 26, 2024

औद्योगिक विकासका लागि नीतिगत निर्णय कार्यान्वयनमा जोड



बुटवल । रुपन्देहीका उद्योगी व्यवसायीले राज्यले ठोस औद्योगिक विकासका लागि नीतिगत निर्णय कार्यान्वयनमा जोड दिनुपर्ने सुझाव दिएका छन् ।

उनीहरुले लामो समयसम्म पनि नयाँ औद्योगिक क्षेत्र स्थापना गर्न नसक्नु औद्योगिक विकासका लागि राम्रो सङ्केत नभएको बताउँदै रुपन्देहीको मोतिपुरमा स्थापना गर्ने भनिएको औद्योगिक क्षेत्रको निर्माण कार्य तत्काल अगाडि बढाउन र बन्द रहेको धागो कारखानाले उपभोग गरिरहेको जग्गा एवं भवनको सदुपयोग गर्नेतर्फ ध्यान दिन आग्रह गरेका छन् ।

रुपन्देही उद्योग सङ्घले आज बुटवलमा आयोजना गरेको मोतिपुर औद्योगिक क्षेत्रको निर्माण र सेजको सञ्चालनको अवस्था विषयक अन्तरक्रिया कार्यक्रममा नयाँ औद्योगिक क्षेत्रको स्थापना, औद्योगिक वातावरण र अर्थतन्त्रलाई चलायमान बनाउनका लागि ठोस नीति र विधि बनाउँदै अगाडि बढ्न व्यवसायीले राज्यसँग आग्रह गरेका छन् ।

औद्योगिक क्षेत्र व्यवस्थापन लिमिटेडका केन्द्रीय अध्यक्ष बाबुराम पन्तले आफू नेत्तृत्वमा आएसँगै मोतिपुर औद्योगिक क्षेत्रको निर्माण, बन्द बुटवल धागो कारखाना सञ्चालन एवं जग्गाको प्रयोग तथा सेज र औद्योगिक क्षेत्रबीच मर्जरको कामलाई प्राथमिकतामा राखेको बताए ।

उनले बुटवल धागो कारखानालाई पुनःसञ्चालनमा ल्याउन वा त्यसको स्थानमा नयाँ उद्योग सञ्चालन गर्ने विषयलाई आफूले सम्बन्धित निकायमा स्पष्टसँग कुरा राखेको बताए ।

उनले मोतिपुर औद्योगिक क्षेत्रको नाममा रहेको सबै जग्गामा विवादका कारण सिमाङ्कन गरी एकैपटक काम अगाडि बढाउन नसकिने र कम विवादित दुई सय ७० बिघा जग्गामा औद्योगिक क्षेत्र निर्माणको काम अगाडि बढाउने सोचका साथ सहमति गरी काम अगाडि बढाइएको जानकारी गराए ।

सङ्घका अध्यक्ष दिलीप सापकोटाले औद्योगिक विकास गर्ने कुरामा राजनीतिक विवाद नगरी अगाडि बढ्न आग्रह गरे । यस क्षेत्रमा नयाँ औद्योगिक क्षेत्रको जरुरी भएको र त्यसको समाधानका लागि अगाडि बढाइएको मोतिपुर औद्योगिक क्षेत्रको निर्माणमा देखिएको अवरोधलाई समाधान गर्न लिमिटेडलाई उनले अनुरोध गरे। साथै उनले बु्टवल धागोको व्यवस्थापन र भैरहवास्थित सेज सञ्चालनका लागि सम्बन्धित निकायको ध्यानाकर्षण हुनुपर्नेमा जोड दिए ।

नेपाल उद्योग परिसङ्घ, लुम्बिनी प्रदेश अध्यक्ष एवं रुपन्देही उद्योग सङ्घका पूर्वअध्यक्ष एजाज आलमले मोतिपुर औद्योगिक क्षेत्रमा देखिएका समस्या एकैपटक समाधान हुन सक्ने अवस्था नभएका कारण सहज रहेको क्षेत्रबाट काम अगाडि बढाउन आग्रह गरे ।

कार्यक्रममा रुपन्देही उद्योग संघका पूर्व अध्यक्ष डम्मरदेव अर्याल, बाबुराम बोहोरा, निवर्तमान अध्यक्ष माधव प्रसाद पौडेल, उद्योगी भुपाल कुमार श्रेष्ठ, बुटवल उद्योग वाणिज्य संघका अध्यक्ष हरि प्रसाद अर्याल, पूर्व अध्यक्ष नवराज श्रेष्ठलगायतले धारणा राखेका थिए ।

प्रकाशित मिति : २४ मंसिर २०८०, आइतबार  ९ : ०७ बजे

अध्यागमन विधेयक बहुमतले स्वीकृत भई राष्ट्रिय सभाबाट फिर्ता

काठमाडौं । सङ्घीय संसद्, राष्ट्रियसभामा विचाराधीन ‘अध्यागमन विधेयक, २०७६ फिर्ता

लुम्बिनी प्रादेशिक अस्पतालको योजनाबारे एमाले उपाध्यक्ष बिष्णु पौडेलले भने- कुनै बहानामा विलम्ब नहोस्

बुटवल । पूर्व उपप्रधान एवं अर्थमन्त्री तथा नेकपा एमालेका उपाध्यक्ष

पाकिस्तानी राष्ट्रपतिद्वारा गरिबी र कुपोषणविरुद्ध एकजुट भएर लड्न आग्रह

इस्लामावाद । पाकिस्तानका राष्ट्रपति आरिफ अल्वीले गरिबी, कुपोषण, वृद्धावस्था र

देवदहका नगर प्रमुख र प्रमुख प्रशासकीय अधिकृतको कार्यकक्षमा तालाबन्दी

देवदह । झण्डै २ घण्टाको घम्साघम्सीपछि अन्ततः देवदह नगरपालिकाका प्रमुख

संसदमा आगामी बजेटका सिद्धान्त र प्राथमिकता पेस

काठमाडौं। संसदमा आर्थिक वर्ष २०८१/८२ को ‘बजेटका सिद्धान्त र प्राथमिकता’