काठमाडौं । पछिल्लो २४ घण्टामा नेपालमा ३८५ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयले सोमबार अपरान्ह सार्वजनिक गरेको पछिल्लो तथ्यांकअनुसार २४ घण्टामा १२ हजार ६९७ जनामा नमुना परीक्षण गर्दा ३८५ जनामा संक्रमण पुष्टि भएको हो ।
मन्त्रालयका अनुसार देशभर पीसीआर विधिबाट भएको परीक्षणमा ८ लाख १९ हजार ३८६ जनामा संक्रमण पुष्टि भएको छ । यस्तै एन्टिजेन विधिबाट भएको परीक्षणमा ९५ हजार ३३२ जनामा पुष्टि भएको छ । संक्रमितमध्ये हालसम्म ८ लाख ६१७ जना संक्रमणमुक्त भएका छन् ।
नेपालमा कोरोना निको हुनेदर ९७ दशमलव ७ प्रतिशत रहेको छ । आज देशभर ७ हजार २६९ जना सक्रिय संक्रमित रहेका छन् ।
मन्त्रालयका अनुसार पछिल्लो २४ घण्टामा कोरोना भाइरसको संक्रमणबाट थप ४ जनाले ज्यान गुमाएका छन् । यससँगै देशभर कोरोना संक्रमणबाट ज्यान गुमाउनेको कुल संख्या ११ हजार ५०० पुगेको मन्त्रालयले जनाएको छ ।
प्रतिक्रिया