काठमाडौं । नेपालमा कोरोना भाइरसको संक्रमणम पुनः बढ्दै जान थालेको छ ।
स्वास्थ्य तथा जनसंख्या मन्त्रालयले नियमित अपडेट गर्ने तथ्यांक अनुसार संक्रमितको संख्या आज झण्डै एक हजार पुगेको छ ।
पछिल्लो २४ घण्टामा थप ९४४ जनामा कोरोना भाइरस संक्रमण पुष्टि भएको मन्त्रालयले जनाएको छ ।
९ हजार ७६२ पीसीअर परीक्षण गर्दा ६९६ जनामा र ३ हजार ५०२ एन्टिजेन परीक्षण गर्दा २४८ जना गरी कुल ९४४ जनामा संक्रमण पुष्टि भएको हो ।
संक्रमितको संख्या बढ्दै जाँदा सक्रिय संक्रमितको संख्या पनि बढेको छ । आजसहित नेपालमा कोरोना भाइरसका सक्रिय संक्रमितको संख्या ६ हजार १४० पुगेको छ ।
यस अवधिमा २९७ जना संक्रमणमुक्त भएका छन् । आज कोरोनाबाट कसैको पनि मृत्यु भएको छैन ।
प्रतिक्रिया