नेपालगन्ज । झण्डै २ दिनको प्रयासपछि एमाले बाँकेको अध्यक्ष पदमा किस्मत कुमार कक्षपति निर्विरोध निर्वाचित बनेका छन् । अध्यक्ष मण्डलले प्रस्ताव गरेका अक्षपति विरुद्ध उम्मेदवारी दिएका निरक गुरुंगले उम्मेदवारी फिर्ता लिएसँगै कक्षपति निर्विरोध निर्वाचित भएका हुन् । यसअघि आज मध्यान्ह अध्यक्ष पदमा उम्मेदवारी दिएका अशोक कर्माचार्यले उम्मेदवारी फिर्ता लिएका थिए ।
‘निरक जीले उम्मेदवारी फिर्ता लिनु भयो, अव बल्ल कक्षपति अध्यक्षमा निर्विरोध अध्यक्ष बन्नु भयो भन्न सकिन्छ, घोषणा गर्न बाँकी छ ।’ निर्वाचन समितिका सदस्य भेषराज बस्नेतले भने । शनिबार देखिनै सर्वसम्मत अध्यक्ष भन्दै समाजिक सञ्जालमा बधाई आएपनि अध्यक्ष आज साँझ ४ः३० बजे मात्र सर्बसम्मत अध्यक्ष बनेका हुन् ।
उपाध्यक्षमा यसअघि नै डिल्ली बीसी निर्विरोध बनिसकेका छन् भने सचिवमा सर्वसम्मत बनाउने प्रयास जारी रहेको सदस्य बस्नेतले बताए । अध्यक्ष मण्डलको प्रूतावमा परेका रत्न खत्रीका बिरुद्ध सचिव पदमा बलराम भट्टराईले उम्मेदवारी दिएका छन् । सहसचिवमा महिला तर्फ भुमिश्वरा धिताल निर्बिरोध नर्विाचित भएकी छिन् ।
प्रतिक्रिया