विवादहरुकै बीच आईतबार प्रतिनिधिसभा बैठक बस्दै

काठमाडौं । संसदमा कायम रहेको विवाद कायम रहेकै अवस्थामा प्रतिनिधि सभाको बैठक माघ १६ आइतबार बस्ने भएको छ । पुस ७ गते बसेको बैठक पछि प्रतिनिभि सभाको त्यस यता बिभिन्न् कारणले बस्न सकेको थिएन । बैठक भोली दिउँसो १ बजेका लागि आह्वान गरिएको छ ।

पुस ७ पछि पुस १८ का लागि राखिएको बैठक माओवादी केन्द्रको राष्ट्रिय सम्मेलनका कारण माओवादी केन्द्रले निवेदन दिएपछि स्थगित भएको थियो भन् पुस २२ गते नेकपा एमालेको बैठकका कारण बस्न सकेको थिएन । त्यस यता पुस २८ र माघ ३ का लागि बोलाइएको बैठक भने कोभिडका कारण स्थगित गरिएको थियो ।

सभामुख अग्नी सापकोटाको राजीनामाको एक सुत्रिय माग राख्दै नेकपा एमालेले जारी राखेको संसद् अवरोध तथा कोरोना संक्रमण उच्च रहेको अवस्थामा माघ १६ गतेका लागि बैठक बोलाइएको छ । प्रतिनिधि सभा बैठकको एजेण्डा तथा आगामी बैठकको मिति तय गर्न भन्दै आइतबार बिहान ११ बजे कार्य व्यवस्था परामर्श समितिको बैठक बोलाइएको सभामुख सापकोटाका प्रेस संयोजक श्रीधर न्यौपानेले जनाएका छन् ।