एमसीसी विरोधी प्रदर्शनकारीमाथि प्रहरीले  चलायो रबर बुलेट

काठमाडौं । अमेरिकाी मिलेनियम च्यालेन्ज कर्पोरेसन (एमसीसी) भएको सम्झौता प्रतिनिधिसभामा टेबल गरिएको विरोधमा सडकमा  आजपनि प्रदर्शन भएको छ ।

एमसीसी विरोधी प्रदर्शनकारी र प्रहरीबीच नयाँ वानेश्वर, बबरमहल र बिजुलीबजार क्षेत्र तनावग्रस्त बनेको छ । प्रहरीले प्रदर्शनकारीमाथि पहिलोपटक रबरको गोली प्रहार गरेको छ ।

यसअघि प्रदर्शनकारीहरूलाई यसअघि पनि प्रहरीले अश्रुग्यास प्रहार गर्नुका साथै पानीको फोहोरा फ्याँक्ने गरेको थिय । तर आज भने प्रहरीले रबरको गोली नै चलायो ।

एमसीसी संसदमा टेबल गर्न सत्तरूढ दलका शीर्ष नेताहरू सहमत भएपनि भातृ संगठनले भने मध्यान्नदेखि नै सडकमा प्रदर्शन गरेका हुन्  ।

झडपको क्रममा केही प्रदर्शनकारी र प्रदर्शनकारी घाइते भएका छन् ।